AP DSC Free Coaching: అభ్యర్థులకు ప్రభుత్వం శుభవార్తను అందించింది. అర్హులైన ఎస్సీ, ఎస్టీ అభ్యర్థులకు డీఎస్సీ ఉచిత శిక్షణకు సాంఘిక సంక్షేమ శాఖ నోటిఫికేషన్ జారీ చేసింది. ఈ ఉచిత శిక్షణకు ఎంపికైన డీఎస్సీ అభ్యర్థులకు ఉచిత కోచింత్, ఉచిత భోజనంతోపాటు వసతి సౌకర్యాలను కల్పించనుంది. ఆంధ్రప్రదేశ్లోని ఆయా జిల్లాల్లో అనుభవజ్ఞులైన బోధనా సిబ్బందితో మూడు నెలల పాటు తరగతులు నిర్వహించనున్నారు. ఎస్జీటీ, స్కూల్ అసిస్టెంట్ పరీక్షలకు సంబంధించి ఉచిత శిక్షణ ఉంటుంది. దీనికి అర్హులైన ఎస్సీ, ఎస్టీ అభ్యర్థులు అక్టోబర్ 21లోపు జ్ఞానభూమి వెబ్పోర్టల్ ద్వారా ఆన్లైన్లో దరఖాస్తు చేసుకోవాలి. మెగా డీఎస్సీ 2024-25గాను ఎస్సీ, ఎస్టీ అభ్యర్థులకు ఉచిత శిక్షణ మొత్తం 5 వేల 50 మంది అభ్యర్థులను ఎంపిక చేస్తారు. అందులో ఎస్సీలకు 3,050, ఎస్టీలకు 2 వేల సీట్లు కేటాయించారు.
వివరాలు:
అర్హత : ఎస్జీటీ ఉచిత శిక్షణకు ఇంటర్, డీఈడీ, టెట్, స్కూల్ అసిస్టెంట్ కోచింగ్కు డిగ్రీ, బీఈడీ, టెట్ ఉత్తీర్ణులై ఉండాలి. ఎంపికైన అభ్యర్థుల వార్షికాదాయం రూ.2.5 లక్షల లోపు ఉండాలి.
ఎంపిక ప్రక్రియ : స్క్రీనింగ్ టెస్ట్, టెట్ స్కోర్, సర్టిఫికెట్స్ వెరిఫికేషన్ ఆధారంగా ఎంపిక చేస్తారు. రాత పరీక్షకు 85 శాతం, టెట్ స్కోరుకు 15 శాతం వెయిటేజీ ఉంటుంది.
ముఖ్యమైన తేదీలు:
- ఆన్లైన దరఖాస్తు ప్రారంభం 11-10-2024.
- దరఖాస్తుకు చివరి తేదీ: 21-10-2024
- హాల్ టికెట్ డౌన్ లోడ్: 22-10-2024 నుంచి 25-10-2024 వరకు
- స్క్రీనింగ్ టెస్ట్ తేదీ : 27-10-2024.
- జిల్లాల వారీగా మెరిట్ జాబితా వెల్లడి: 28-10-2024.
- జిల్లాల వారీగా తుది ఎంపిక జాబితా వెల్లడి: 30-10-2024.
- శిక్షణ కేంద్రాల వారీగా అభ్యర్థుల కేటాయింపు: 03-11-2024.
- ఉచిత శిక్షణ తరగతులు ప్రారంభం : 11-11-2024
పూర్తి వివరాలకు https://jnanabhumi.ap.gov.in/ వెబ్ సైట్ ని సందర్శించండి..